[你 買 我 捐] 小 愛 心 計 劃
係 TM3 一直以來都好想實行嘅心願。
Joey平時會留意下動物救援嘅機構或者獨立義工，佢哋不遺餘力咁去幫助流浪動物，真係好偉大。
有時我都會捐錢支持一下呢啲機構或者義工，但係只靠我個人力量，能夠做到嘅實在有限，心裡一直都好想做多啲啲。
所以，就誕生咗呢個計劃， 大家只要支持選購小愛心系列嘅產品，TM3就會將利潤捐俾呢啲守護動物嘅機構，尤其是冇乜資源嘅獨立義工。
凝聚每份細小力量，化為實質嘅援助，一齊去守護身邊每一個無助嘅小生命。
雖然，呢個計劃未必會有好大迴響，訂單可能唔多，捐出嘅金額亦都微不足道。
但善舉雖細，我都會堅持去做。 希望能夠為流浪小生命，帶來多一分溫暖及希望。
凡 購 買 小 愛 心 系 列 的 產 品，
TM3 會 把 扣 除 成 本 與 行 政 費 後 的 所 有 利 潤，
全 數 捐 予 名 單 上 的 動 物 救 援 機 構 或 獨 立 義 工。
清楚見證自己嘅消費，真實幫助到本地弱小動物
零 隱 藏
購買記錄＋捐款
全透明公開
為確保愛心運用公開透明，本店會在網站內開設獨立專頁，作為客戶每月購買記錄及捐款去向的公開平台，流程簡單清晰：
1. 顧客在選購小愛心系列產品完成交易後，可自願於公開專頁上載消費截圖，簡單標示消費金額，記錄自己嘅愛心支持。
2. 店主每個月 1 – 5 號會統計該系列總營業額，扣除成本及行政費用，整理純利明細後在公開專頁公示。
3. 每月10 號前會完成捐款、並且把受助動物機構/義工名單、善款分配用途，完整地刊登於專頁。
- 呢份名單所揀選嘅動物救助機構，都係大眾認同佢哋對流浪動物所付出過既; 而所揀選嘅獨立義工, 就係曾經有朋友或我自己親身接觸過、求助時得到佢哋幫忙，見證過佢哋有做流浪動物救援、照顧同安置嘅人，作為[你 買 我 捐]小愛心計劃嘅固定捐贈對象，一齊守護弱小生命。 如果大家發現名單有任何問題，又或者有用心嘅救助單位或義工想推介，歡迎隨時話我知，等我作出修訂，令呢份愛心捐助計劃更加完善。名單整理中，將於稍後公布
